Vdekja tragjike e Kim Porter ka ribashkuar Diddyn dhe Cassien.
Një ditë pas vdekjes së ish të dashurës së tij, P.Diddy është parë bashkë me Cassien pasi çifti u ndanë së fundmi.
Sipas People, moguli i hip hopit ishte parë në Los Angeles, që është paraqitja e parë publike që prej vdekjes së Porter.
Reperi 49 vjeçar në këtë paraqitje nuk ishte i vetmuar, ai shoqërohej nga Cassie e cila ishte e tëra në ngjyrë të zezë.
Shkaqet e vdekjes së Porter ende nuk janë bërë të ditura, por ajo besohet se ka vuajtur nga pneumonia në javët para vdekjes.
Kim Porter dhe P. Diddy
Diddy dhe Porter ishin në lidhje nga viti 1994 deri në vitin 2007 kur u ndanë. Ata kanë tri fëmijë së bashku.
“Diddy është i prekur dhe i shokuar. Ai dhe Kim ishin shumë të afërt dhe bashkë ishin prindër edhe pe lidhja e tyre nuk funksionoi”, deklaroi një burim afër reperit.
Diddy për shumë vjet rresht u shpall personazhi me më së shumti përfitime në skenën e shoubizit ndërkombëtar. /Telegrafi/
