Dhurata dhe Noizy bashkojnë forcat për “Mi Amor” që premton të shndërrohet në hit

Në vazhdën e bashkëpunimeve të pëlqyera muzikore është publikuare dhe dueti ndërmjet Dhurata Dorës dhe Noizyt me titull “Mi Amor”.

Reperi shqiptar gjatë këtij viti ka ardhur me disa realizime të suksesshme, si bashkëpunimi me Elgit Dodën, “Ti Ti”, kënga solo “Tunde”, si edhe dueti mjaft i pëlqyer me Arielena Arën, “Murderer”.

Në ndërkohë, Dhurata ka vazhduar punën në studio pas suksesit të madh me Gims, me duetin “Only You”.

Bashkëpunimi në fjalë që u lansua më 28 maj të këtij viti, deri me tani ka kaluar shifrën prej 42 milionë shikimesh në YouTube.

View this post on Instagram

A post shared by Dhurata Dora (@dhuratadora)

Duke pasur në konsideratë sukseset e vazhdueshme të realizimeve të përbashkëta muzikore me yje të ndryshme, pritet që edhe “Mi Amor” të përfshihet në listën e hiteve.

Jugglerz dhe Panda Music qëndrojnë prapa realizimit muzikor që është shkruar me tekst nga Dhurata dhe Noizy.

Fux Cartel e ka bërë miksimin, Master Plus masterizimin dhe Jugglerz ‘beat-in’. Videoklipin e ka xhiruar produksioni Entermedia. /Telegrafi/