Dhjetë golashënuesit më të mirë në histori të Ligës së Kampionëve

Liga e Kampionëve është dominuar nga Cristiano Ronaldo dhe Lionel Messi për më shumë se një dekadë, ndërsa Robert Lewandowski është duke u përfshirë në garën e golashënuesve më të mirë në histori.

Mirëpo, janë edhe një numër futbollistësh të cilët bëjnë pjesë në top dhjetë golashënuesit më të mirë të garës prestigjioze evropiane.

10. Filippo Inzaghi – 46 gola

Këtë shifër e ka arritur duke luajtur për Juventusin dhe Milanin.

10. Thomas Muller – 46 gola

Sulmuesi gjerman të gjithë golat i ka realizuar me Bayern Munichun.

8. Andriy Shevchenko – 48 gola

Dynamo Kyivi, Milani dhe Chelsea kanë qenë klubet me të cilat Sheva e ka arritur këtë sukses.

8. Zlatan Ibrahimovic – 48 gola

Ibra ka luajtur për Ajaxin, Juventusin, Interin, Barcelonën, Milanin, Paris Saint-Germainin dhe Manchester Unitedin në Ligën e Kampionëve.

7. Thierry Henry – 50 gola

Legjenda e Arsenalit ka shënuar gola në garën e madhe evropiane edhe me Monacon dhe Barcelonën.

6. Ruud van Nistelrooy – 56 gola

Fatal në gjashtëmbëdhjetëmetërsh, holandezi ka shënuar në portat kundërshtare me fanellat e PSV Eindhoven, Manchester United dhe Real Madrid.

5. Karim Benzema – 65 gola

Shumicën e golave në Ligën e Kampionëve, sulmuesi francez e ka shënuar me Real Madridin, mirëpo ka realizuar edhe si lojtari Lyonit.

4. Robert Lewandowski – 68 gola

Me golat për Borussia Dortmundin dhe Bayern Munichun, Lewy është golashënuesi më i mirë në Evropë aktualisht.

3. Raul Gonzalez – 71 gola

Legjenda madrilene, pos Real Madridit, e ka gjetur rrjetën në Ligën e Kampionëve edhe si lojtar i Schalkes.

2. Lionel Messi – 115 gola

Superylli argjentinas të gjithë golat e tij i ka realizuar me fanellën e Barcelonës, duke qenë se është i vetmi klub ku ka luajtur deri më tani në nivelin profesional.

1. Cristiano Ronaldo – 130 gola

I njohur si mbret i Ligës së Kampionëve, golashënuesi më i mirë në histori të kësaj gare, ka shënuar gola për Manchester Unitedin, Real Madridin dhe Juventusin.

/Telegrafi/