Depay ka refuzuar disa skuadra, është në pritje të Barcelonës

Memphis Depay është njëri nga lojtarët më të kërkuar në afatin kalimtar veror.

Sulmuesi holandez pëlqehet nga shumë skuadra të mëdha evropiane, por është raportuar se ai ka refuzuar disa oferta.

Mediat spanjolle dhe ato franceze kanë shkruar se Roma, Milan, Borussia Dortmund, Everton dhe Atletico Madrid kanë ofertuar holandezin.

Mirëpo të gjitha këto klube kanë marrë përgjigje negative nga Depay, i cili është në pritje të Barcelonës.

Holandezi dëshiron t’i bashkohet bashkëkombësit të tij Ronald Koeman në Camp Nou.

26-vjeçari e ka nisur për mrekulli edicionin e ri në Ligue 1 me Lyonin duke shënuar një hat-trick në fitoren 3-1 ndaj Dijon.

Lyon është gati ta shes yllin e tyre nëse vije një ofertë rreth 50 milionë euro.

Gjithsesi holandezi është i vendosur të largohet nga Lyon dhe nëse nuk ofertohet nga Barcelona, ai do të kërkojë një tjetër skuadër për ta vazhduar karrierën.

Gjiganti italian Roma mbetet njëra nga skuadrat favorite për të nënshkruar me holandezin. /Telegrafi/