Depay ia tregon kushtet e kontratës Juventusit

Memphis Depay vazhdon të mbetet objektivi kryesor i Juventusit për repartin e sulmit.

Zonja e Vjetër prej disa kohësh është në bisedime me Barcelonën, por pa arritur të gjejë marrëveshje për holandezin.

Depay ka pranuar transferimin te Zonja e Vjetër dhe tanimë i ka bërë të qartë drejtuesve bardhezi për kushtet e kontratës.

Sipas asaj që ka raportuar Gazzetta dello Sport, holandezi ka rritur pretendimet dhe tani kërkon 7.5 milionë euro në sezon, i cili pritet të shtojë konkurrencën në skuadrën e Massimiliano Allegrit.

Barcelona po kërkon rreth 20 milionë euro nga Juventusi për ta lënë të lirë holandezin, i cili nga ana tjetër po synon ta prish kontratën me klubin katalunas.

Në rast se Barcelona pranon prishjen e kontratës dhe Depay do t’i bashkohet falas Juventusit, atëherë Zonja e Vjetër do të heq dorë nga një bonus prej dy milionë euro që katalunasit duhet të paguajnë për Pjanic.

Gjithsesi java e ardhshme pritet të jetë vendimtare për të ardhmen e sulmuesit holandez. /Telegrafi/