Dema: Qeveria Haradinaj do të hapë 25-30 mijë vende pune gjatë mandatit

Kandidati për deputet nga koalicioni AAK-PSD, Fisnik Dema, ka shpalosur programin e tij për t’u bërë deputetë.

Dema, në “Dossier D” në RTV Dukagjini ka thënë se në garë është futur për të përfaqësuar rininë.

Kandidati për deputet nga koalicioni AAK-PSD ka premtuar se Qeveria Haradinaj do hap 25 -30 mijë vende të reja pune për rininë.

Ai ka thënë se kjo shifër do të jetë e mundshme deri në fund të mandatit, ndërsa ka thënë se nuk veprojnë si subjektet tjera që premtojnë 200 mijë e 300 mijë vende pune.

Dema ka thënë se kontributi i tij do të jetë edhe në fushën e arsimit.

Ai thotë se në vendin nga vjen, Peja, ka nevojë për Fakultetin e Biznesit pasi edhe ky qytet është I shquar në këtë drejtim, por sipas tij duhet bërë de politizimi.

Kandidati për deputet nga koalicioni AAK-PSD thotë se Autostrada e Dukagjinit duhet të bëhet pasi sipas tij kjo zonë është anashkaluar “pse kryeministri nuk ka qenë në të kaluarën nga rajoni i Dukagjinit”.

Dema ka thënë se Kosova ka nevojë për një reformim të sektorit të Shërbimit Civil pasi sipas tij ka shumë punëtorë që nuk e dinë pse gjenden në zyrat e Shërbimit Civil.

Kandidati për deputet nga koalicioni AAK-PSD thotë se koalicion do të bëjnë vetëm me ato subjekte politike që nuk i përkulen Serbisë në dialog./Telegrafi/