Dell prezanton tabletët Venue 7 dhe 8

Tableti i Dell në Android i cili është përfolur tashmë për një kohë të gjatë, Venue 8 është prezantuar edhe zyrtarisht nga kompania.

Mirëpo ky nuk është modeli i vetëm i tabletit të cilin do ta lansojë Dell, pasi që kompania amerikane tani po synon të garojë me modelet tjera të famshme të tabletëve Android, dhe për këtë arsye tashmë e ka prezantuar edhe modelin tjetër me ekran më të vogël, Venue 7.

Për ta zgjejruar ofertën e saj, Dell i ka vënë modelet e njëjta në dispozicion edhe në platformën mobile të Microsoft, Windows 8.1, nëse kjo është zgjedhja e sistemit operativ për një grup konsumatorësh.

Venue 8 dhe Venue 7 bazohen në Android 4.2.2 Jelly Bean, ndërsa procesorët e tyre janë me 2GHz Intel Clover Trail. Tabletët e rinj të Dell hyjnë në mesin e tabletëve me çmim të lirë, dhe karakteristika të mira.

Venue 8 posedon ekranin e ndjeshëm në prekje me 8 inç dhe rezolucionin prej 1280 x 800 pikselëve, 16GB memorie të brendshme, dhe opsionin për lidhje të internetit me teknologjinë LTE.

Ndërsa, Venue 7 posedon ekranin e ndjeshëm në prekje me 7 inç, dhe rezolucionin prej 1280 x 800 pikselëve, 16GB memorie të brendshme.

Debutimi i dy modeleve të reja të tabletëve të Dell do të bëhet me 18 tetor. Çmimi i Venue 7 është 149 dollarë për versionin me Wi-Fi, ndërsaVenue 8 do të shitet për 179.99 dollarë për versionin vetëm me Wi-Fi. / Telegrafi /