Një video e publikuar në YouTube e shfaq një ansambël shqiptar teksa bën muzikën e temës kryesore të serialit “Game of Thrones” me instrumente shqiptare.
“Game of Thrones” është një dramë televizive fantastike e krijuar nga David Benioff dhe D. B. Weiss. Është adaptim i novelave të George R. R. Martin me titull “A Song of Ice and Fire”.
Xhirimet janë realizuar në vende të ndryshme, si në Kroaci, Islandë, Maltë, Marok, Irlandë të Veriut, Spanjë, Skoci dhe SHBA.
Seriali i parë është shfaqur në prill të vitit 2011, ndërsa tash është në sezonin e gjashtë dhe është zyrtarizuar se do të ketë së paku edhe sezonin e shtatë. /Telegrafi/
