Dalin në pah dosjet kriminale të familjes së Salvador Ramos, sulmuesit që vrau 21 persona në Teksas

Të dy prindërit dhe gjyshja e sulmuesit të shkollës në Teksas, Salvador Ramos, në të kaluarën kishin dosje kriminale, duke përfshirë këtu një sulm të rëndë me armë vdekjeprurëse dhe nënshkrimin e një çeku fals, raporton The New York Post.

Ramos 18 vjeçar, vrau 19 nxënës të nivelit fillor dhe dy mësuese të tyre në ditën e 24 majit, kur ai u fut në Robb Elementary School në Uvalde, në sulmin i cili u cilësua më vdekjeprurësi në SHBA që nga viti 2012.

Duke u bazuar në të dhënat e gjyqit të kantonit të Uvaldes të cilat i siguroi The New York Post, del se prindërit e tij, Adriana Martinez dhe Salvador Ramos Sr., i kishin momentet e tyre të ballafaqimit me ligjin para se më shumë se një dekadë, transmeton Telegrafi.

Gjyshja e tij Celia “Sally” Martin Gonzales, të cilën Ramos e qëlloi në fytyrë para se të kryente sulmin në shkollë, sipas të dhënave nga kantoni, në vitin 1993 u dënua për një kundërvajtje.

Nëna e tij Adriana, u dënua në vitin 2003 për nënshkrimin e një çeku fals, ndërsa më vonë në vitin 2007 për sulm ndaj një anëtari të familjes, e babai i tij Salvador u gjet fajtor për rezistim ndaj arrestit pasi që kishte problem me një oficer policie. /Telegrafi/