Curry mungon edhe në ndeshjen e tretë, “lëndimi” taktikë për të pushuar?

Lojtari më i mirë i Golden State, Stephen Curry, i dëmtuar në gju që nga 24 prilli, nuk do të luajë në ndeshjen N.3 ndaj Portland të shtunën, por mund të rikthehet në ndeshjen N.4 të hënën, bëri të ditur trajneri i tij, Steve Kerr.

“Është e pamundur që ai të luajë të shtunën, por mund të them se ka shanse minimale që të rikthehet për ndeshjen e të hënës”, sqaroi Kerr gjatë një emisioni në radio “Dan Patrick Show”.

Curry është dëmtuar në gjurin e djathtë më 24 prill në ndeshjen N.4 të turit të parë të play off-it ndaj ekipit te Houston.

Shënuesi më i mirë i kampionatit 2015-16 (30,1 pikë mesatarisht për ndeshje), është favoriti kryesor për të marrë për të dytin vit radhazi të trofeut si lojtari më i mirë i NBA.

Në mungese te tij, Golden State ka dominuar ndaj Houston (4-1) në turin e pare, ndërkohë që kryeson 2-0 në turin gjysmëfinal përballë Portland.

Megjithatë, sipas ekspertëve kjo shihet edhe si lëvizje për ta pushuar Curryn, ku rezultati i ndeshjes së tretë definon pjesëmarrjen e Curryt në ndeshjen e katërt, pra nëse humbë Golden State në ndeshjen e tretë, Curry luan në të katërtën, nëse fiton atëherë vazhdon pushimin nga sezoni i lodhshëm për t’u bërë gati për duelet e rrënda ndaj San Antonios. /Telegrafi/