Cummins ka një mbushës të ri – ekskluzivisht për motorët me hidrogjen

Ideja e motorit me hidrogjen me djegie të brendshme po i afrohet gjithnjë e më shumë zbatimit serioz komercial, dhe prodhuesi i motorëve dhe komponentëve Cummins tashmë është përgatitur për këtë. Konkretisht, ata kanë prezantuar një turbo të ri për motorët me hidrogjen, të quajtur CCS H2 ICE.

Ky turbo me gjeometri të ndryshueshme është projektuar për të përmbushur kërkesat unike të motorëve me hidrogjen, shkruan motor1.

Detaje të tjera nuk janë bërë të njohura, por është e qartë se Cummins është përshtatur me hidrogjenin si karburant, i cili ka një densitet më të ulët krahasuar me benzinën ose naftën.

Një veçori e motorëve me hidrogjen është që gazrat e shkarkimit të tyre janë ujë, ndaj do të ishte interesante të shihet si është zgjidhur çështja e funksionimit të turbo-mbushësit.

Në motorët me benzinë dhe naftë, turbo-mbushësit funksionojnë përmes gazrave të shkarkimit. Produkti i Cummins për momentin do të përdoret për motorët që lëvizin automjete komerciale, pra kamionë.

Aktualisht, teknologjia e hidrogjenit është e rrallë në automjetet personale, kryesisht për shkak të faktit që infrastruktura e karikimit për hidrogjen është ende e pazhvilluar. E gjithë kjo lidhet me prodhimin dhe transportin e hidrogjenit, procese që nuk janë të thjeshta dhe as të lira. /Telegrafi/