Courtois po e ‘detyron’ Luninin të largohet nga Real Madridi

Andriy Lunin ka bërë vetëm një paraqitje te Real Madridi dhe ai nuk ka luajtur ende nën drejtimin e trajnerit aktual Carlo Ancelotti.

Ajo paraqitje erdhi nën drejtimin e Zinedine Zidanes dhe nuk do të donte ta kujtonte, pasi Real Madridi u eliminua nga Kupa e Mbretit ndaj Alcoyanos.

22-vjeçari thjesht nuk mund të gjejë një mënyrë për të lënë në bankën rezervë Thibaut Courtoisin, megjithëse ai e di se nuk do të jetë domosdoshmërisht zgjedhja e parë, por ai me siguri nuk mund të jetë i kënaqur me situatën aktuale.

Shpresa e rreme e Luninit

Me largimin e Keylor Navasit në Paris Saint-Germain u mendua se Lunin do të konkurronte për një vend titullari me Courtois, por atij iu desh të kënaqej me stolin gjatë gjithë kohës dhe gjithashtu u la jashtë skuadrës së Ukrainës së Andriy Shevchenkos në Euro 2020.

Real Madridi pagoi 8.5 milionë euro për të nënshkruar me Lunin në vitin 2018 dhe ata nuk do të jenë të gatshëm ta shesin atë në janar, pasi ata do të mbeten pa një zëvendësues nëse Courtois pëson një lëndim.

Ancelotti la të kuptohej se mund t’i jepte minuta në takimet e ardhshme, por nëse kjo nuk ndodh, atëherë portieri ukrainas do të duhet të kërkojë një aventurë tjetër. /Telegrafi/