Courtois flet për të ardhmen e Hazard: Ai dëshiron të qëndrojë te Real Madridi

E ardhmja e Eden Hazard mbetet ende mister, por Thibaut Courtois, insiston se sulmuesi do të qëndrojë në Real Madridit edhe pas kësaj vere.

MARCA zbuloi se klubi e kishte hedhur në treg, pasi Hazard nuk luajti edhe aq shumë.

“Unë jam 100 për qind i sigurt që do të qëndrojë, ai nuk dëshiron të largohet”.

“Vetëm shtypi i Madridit shkruan që ai dëshiron të largohet. Ai dëshiron të vazhdojë, të luajë pa lëndime dhe të fitojë tituj”.

“Në Real Madrid , ka gjithmonë kritika gjatë gjithë kohës dhe për të gjithë. Gareth Bale u kritikua, por ai fitoi Ligën e Kampionëve dhe shënoi një gol në finalen në Kiev”.

“Të gjithë e dimë që në Madrid ka presion dhe kritika nga shtypi dhe tifozët, por Eden mund t’i trajtojë. Unë e njoh atë mjaft mirë dhe ai mund ta ndryshojë situatën”.

“Ai ende dëshiron të jetë një lojtar i rëndësishëm për Real Madridin dhe të fitojë tituj, këtë sezon ai ka punuar shumë në palestër dhe është në formë të mirë”.

“Fizikisht, ai është më i fortë se kurrë, në stërvitje ai duket shumë mirë, si më parë me ekipin kombëtar ose te Chelsea”, ka thënë Courtois. /Telegrafi/