Conte: Do të ishte budallallëk të më shkarkonte Chelsea

Antonio Conte tha se shkarkimi i tij do të ishte “një formë mënyrë budallallëk, pasi që jemi duke përmbushur pritjet tona.”

Ish-trajneri i Juventusit dhe Italisë, fitoi Ligën Premier në sezonin e parë në krye të klubit anglez, por këtë sezon po çalon në marrjen e rezultateve pozitive.

Gjersa thashethemet vazhdojnë të thonë se shumë shpejt do të zëvendësohet, Conte po lufton për punën e tij me publikun.

“Ju vazhdoni të punoni me një menaxher apo trajner jo për shkak të asaj që realizon në një sezon, por sepse ju besoni në të. Pastaj ndërton diçka me të”, tha ai në një konferencë për shtyp.

“Por kjo nuk do të thotë që duhet të fitosh patjetër, sepse kjo nuk është e thjeshtë. Nuk është e lehtë. Veçanërisht në Angli”.

“Në të njëjtën kohë, mund të besosh tek një trajner dhe në punën e tij. Edhe nëse nuk fiton dhe përpiqesh të ndërtosh diçka të rëndësishme”.

“Ka dy mënyra. Ka një mënyrë të trashë dhe një mënyrë inteligjente. Ky është mendimi im. Në të njëjtën kohë, unë kam respekt të madh për mendimin e të gjithëve. Nëse klubi vendos të më largojë, nuk e di kur do të ndodhë sepse nuk janë të kënaqur me punën time.

“Siç e dini shumë mirë, kontrata ime mbaron në vitin 2019. Nga këndvështrimi im, ka një vullnet për të qëndruar dhe vazhduar të punojë për këtë klub.

“Jam shumë i lumtur me angazhimin e lojtarëve dhe sjelljen e lojtarëve të mi. Ata më tregojnë çdo ditë që duan të kapërcejnë këtë situatë. Por kjo “situatë” … ne po flasim për një ekip që është i katërti në ligë, që po përgatitet të përballet me Barcelonën. Ne jemi në garën e FA Cup dhe arritëm në gjysmëfinale të Kupës Carabao”.

Lexo po ashtu Të gjitha lajmet rreth Antonio Contes

“Ne e kuptojmë se kur humbasin dy ndeshje rresht, situata nuk është e thjeshtë. Por, është sikur ne jemi në një betejë anësore në zonën e rënies, por ne po përmbushim pritjet tona. Unë nuk mendoj se dikush na ka besuar të fitojmë titullin këtë sezon. Nëse më kujtohet, kishte dy skuadra të cilët folën për titullin, ato të Manchesterit”, tha italiani.

Kujtojmë se londinezët aktualisht zënë pozitën e pestë të renditjes tabelore me 50 pikë. /Telegrafi/