Conte: Humbja nga Reali nuk duhet të na rrëzojë, por të na tregojë se ekziston një rrugë që duhet të ndjekim

Antonio Conte këmbëngul se Interi nuk duhet të rrëzohet nga humbja ndaj Real Madrid, por përkundrazi thotë se kjo humbje duhet t’ua tregojë rrugën që duhet të ndjekin për të kapërcyer atë hendek.

Interi është praktikisht jashtë Ligës së Kampionëve me dy pikë nga katër takime dhe rrezikojnë shumë që të mos marrin as vendin e tretë që dërgon në Ligën e Evropës.

Italianët u mposhtën 2-0 në shtëpi me golat e Eden Hazard dhe Achraf Hakimi (OG), ndërsa Interi luajti për një orë pa Arturo Vidalin e ndëshkuar me të kuq.

“Gjithmonë do të ishte e vështirë të luash kundër klubeve të mëdha si Real Madridi, kështu që kur je një gol në disavantazh dhe pa një lojtar, bëhet një mal i pamundur për t’u ngjitur”, ka thënë fillimisht Conte për Sky Sport Italia.

Lexo po ashtu Real Madridi triumfon në udhëtim te Interi – Nerazzurrët pranë eliminimit nga grupet

“Mendoj se pamë ndryshimin midis tyre dhe nesh. Nuk duhet të na rrëzojë. Duhet të na tregojë se ekziston një rrugë që duhet të ndjekim dhe duhet të jemi të uritur, punëtorë dhe të përulur, për të kuptuar se ku jemi dhe për të mos e lënë veten të lëkundet nga zërat nga jashtë”.

“Rruga e vetme përpara është të punosh shumë dhe të rritesh në çdo mënyrë të mundshme”.

“Unë nuk mendoj se jemi të dobët në fillim, pasi ne shënojmë shumë gola. Ndoshta po pranojmë shumë për momentin. Siç e thashë, loja ishte menjëherë një luftë e përpjetë dhe u bë e vështirë të ktheheshe në të për shkak të një kartoni të kuq që u shkaktua nga një protestë e tepruar”.

“Kjo është situata, ne e pranojmë atë. Ne kishim bërë shumë më mirë dhe ishim më agresivë në Madrid, por ishte e vështirë këtu që të ishim gati menjëherë 0-1 dhe më pas të shikonim me një lojtar të përjashtuar. Kjo na rrëzoi”.

Lexo po ashtu Inter 0-2 Real Madrid, notat e lojtarëve

“Sidoqoftë, unë mendoj se ekipi punoi shumë shumë dhe bëri përpjekje. Mos harroni, ne ishim kundër Real Madrid dhe jo ndonjë klubi nga fundi i tabelës”.

“Ne po flasim për dy skuadra në nivele të ndryshme. Real Madrid ka dominuar këtë garë vitet e fundit dhe janë gjithmonë protagonistë. Thjesht po hedhim një vështrim brenda”.

“Qëndrimi ishte sigurisht i duhuri dhe unë falënderova djemtë. Ne mund të fitojmë ose të humbasim, gjëja e rëndësishme është ta bëjmë atë si burra. Djemtë dhanë gjithçka”, përfundoi trajneri i Interit. /Telegrafi/