Çollaku: Mos zgjerimi i BE-së, rritë ndikimin e Rusisë dhe ISIS-it në Ballkanin Perëndimor

Bashkimi Evropian nuk ka asnjë instrument tjetër më të mirë për veç zgjerimit, jo vetëm për të provuar vlerat e saj, por edhe për të rritur ndikimin në politikat globale.

Mos zgjerimi i BE-së në vendet e Ballkanit Perëndimor, paraqet problem për rritjen e ndikimit të Rusisë dhe elementëve të ISIS-it.

Kështu ka vlerësuar ministri i Integrimeve Evropiane, Bekim Çollaku, në një tryezë të mbajtur në Prishtinë, me temën  “Zgjerimi i BE-së, Si na sheh Evropa”.

Çollaku është shprehur i vetëdijshëm se BE përballet me kriza të ndryshme siç është ajo e refugjatëve dhe rritja e numrit të partive të djathta, por ka thënë se Bashkimi Evropian edhe më herët është përballur me kriza, por që ka vazhduar zgjerimin.

Ai në këtë tryezë të organizuar nga Fondacioni i Kosovës për Shoqëri të Hapur (KFOS), ka thënë se nëse BE për këto probleme nuk parasheh zgjerim të ri me shtetet e Ballkanit Perëndimor, atëherë ekziston rreziku që në këto pjesë të rritet ndikimi i Rusisë dhe elementeve të tjera që kanë të bëjnë me ISIS.

“Shtrohet pyetja nëse për të gjitha këto arsye do të ketë zvarritje deri të vala e re e anëtarësimit të Ballkanit Perëndimor  atëherë , a do të këtë mundësi  që BE ta luajë rolin e vet transformues  në shtetet aspirantë dhe kandidate në Ballkanin Perëndimor, dhe në qoftë se jo atëherë, cilët akterë tjerë do të vijnë në shprehje si zëvendësim për BE”.

“Ne jemi të vetëdijshëm se akterët tjerë të cilët mund të zënë një pjesë të hapësirës së ndikimit të BE-së nuk janë aktet më të cilët do të dëshironin të kishim asnjë punë, sepse po flasim për zgjerimin ose rritjen e rolit të Rusisë dhe në rastin më të keq elementet të cilat janë të lidhura me ISIS”, ka thënë ai, raporton lajmi.net.

Përveç saj, Çollaku ka thënë se kriza aktuale në BE, nuk e favorizon asnjë nga vendet aspiruese, por ka thënë se ky proces është ende i papërfunduar nga BE.

Corina Stratulat nga Qendra Evropiane për Politika tha se procesi i zgjerimit në BE, ka ndryshuar nga vitet e kaluara dhe, se tani është bërë një proces më kompleks.

Ajo ka thënë se kriza me refugjatë ka vështirësuar këtë proces për shtetet anëtare.

“Sa i përket Budenstagut gjerman mund të bëhet një referendum për procesin e zgjerimit. Duke u bazuar në konsideratat që janë të inspiruar nga kontekstet vendore ose nacionale si çështja e pakicave, konteksti i qëndrueshmërisë, azilkërkuesit e çështje tjera dhe konkludimet kryesore për tërë këto janë intencat që zgjerimi ka ndryshuar dhe është një proces i paparashikueshëm sesa që ka qenë më herët. Ky është një realitet në të cilin duhet të adaptohemi”, është shprehur ajo.

Ndërkaq, Fisnik Korenica nga Grupi për Studime Politike dhe Juridike tha se vendet anëtare të BE-së janë të rëndësishme për Kosovën sepse politika e tyre varet për integrimin e Kosovës.

“Kjo tregon se vendet anëtare kanë peshë shumë më të madhe sesa Komisioni Evropian kur vije puna tek zgjerimi. Janë dy nivele që shpjegojnë procesin e BE-së si Racionalizmi që shtron pyetjen pse duhet të zgjerohet BE, dhe teoria konstruktive ku hyn edhe Kosova sepse kjo teori ka të bëjë me interesin e zgjerimit të BE. Pra shikohen edhe pozicioni gjeostrategjik i një vendi. Po ashtu sa është niveli i rrezikut tek një vend në mënyrë që BE ta pranojë apo jo”, është shprehur ai, duke shtuar se Kosova nuk ka ndonjë rrezik të brendshëm që të mos pranohet.