Portieri holandez, Jasper Cillessen pritet të largohet nga Barcelona në fund të këtij edicioni.
Holandezi iu bashkua katalunasve tri vite më parë nga Ajaxi, por që gjithmonë ka qenë zgjedhja e dytë në klubin katalunas.
Në tri vite, Cillessen ka mbrojtur vetëm në 29 takime për Barcelonën, ku shumica nga to janë në Kupën e Mbretit.
Tani ai ka deklaruar në rrjetet sociale se do t’i bashkohet Cristiano Ronaldos te Juventusi.
Jasper Cillessen. (Photo by David Ramos/Getty Images)
Mediumi spanjoll Diario Gol ka transmetuar fjalët e Cillessen “Do t’i bashkohem Cristiano Ronaldos te Juventusi”, ka shkruar holandezi.
Mbetet të shihet nëse Zonja e Vjetër do të bëjë ofertë për transferimin e holandezit dhe cili do të largohet nga klubi, polaku Szczesny apo Mattia Perin.
Gjithsesi në garë për Cillessen mbetën edhe dy skuadrat portugeze Porto e Benfica. /Telegrafi/
