Cila është brigada më e fuqishme e Ukrainës të cilën pritet ta furnizojë Pentagoni?

Brigada e 47-të e Ukrainës e cila lufton ashpër në betejat kundër rusëve, me sa duket ka nevojë përsëri për mbështetjen amerikane.

E trajnuar nga NATO, njësia vullnetare e brigadës së 47-të është një nga më të fuqishmet e Ukrainës.

Ajo është e pajisur me mjete ushtarake të prodhuara në SHBA, duke përfshirë tanket M1 Abrams dhe automjetet luftarake M2 Bradley.

Në janar, reputacioni i brigadës u rrit kur Ministria e Mbrojtjes së Ukrainës postoi disa pamje ku automjeti luftarak Bradley e shkatërron “tankun më të mirë të Putinit”, T-90M.

Këtë javë, ministria ka publikuar pamje të reja që thuhet se tregojnë shkatërrimin e tankeve ruse dhe automjeteve luftarake nga Bradley IFVs dhe dronët FPV të Brigadës 47.

That’s how russian combat vehicles look like after the meeting with Bradley IFV and FPV drones.

?: 47th Mechanized Brigade pic.twitter.com/2mwtCVCWhN

— Defense of Ukraine (@DefenceU) May 4, 2024

Lexo po ashtu Human Rights Watch del me raport të ri mbi krimet ruse të luftës

Por, me luftime pothuajse të vazhdueshme, trupat e brigadës kanë nevojë për pushim, furnizim dhe përforcime.

Siç raportohet, Pentagoni është i vendosur të furnizojë njësitë ukrainase për të forcuar efektivitetin e tyre luftarak.

Edhe pse kohët e fundit ushtria ukrainase është përballur me vështirësi në vijat e frontit, ndihma e fundit ushtarake amerikane thuhet të sinjalizojë shpresë për forcimin e saj në fushën e betejës.

Dërgesa e parë e re e armëve amerikane në Ukrainë pas miratimit të Kongresit përfshin një numër të paspecifikuar Bradley. /Telegrafi/