Watfordi e ka mposhtur Chelsean me rezultat të thellë 4-1 në ndeshjen e vlefshme për javën e 26-të të Ligës Premier, duke ia shkaktuar humbjen e dytë radhazi Bluve.
Pjesa e parë e tëra u dominua nga vendasit e Watfordit, të cilët sulmonin pareshtur Chelsean.
Megjithatë, goli erdhi vetëm pasi Blutë e Londrës mbeten me një lojtar më pak, kur mesfushori Tiemoue Bakayoko (30') mori kartonin e dytë të verdhë dhe gjyqtari e dërgoi jashtë.
Momenti i ndëshkimit me të kuq të Bakayokos (Getty Images)
Goli i vendasve erdhi në minutën e 42-të të ndeshjes, pasi sulmuesi Troy Deeney u tregua i saktë nga pika e bardhë për 1-0 në një penallti e cila u shkaktua në Gerard Deulofeun.
Momenti i penalltisë së shkaktuar në Deulofeun (Getty Images)
Pjesa e dytë e takimit ishte më e barabartë, por Chelsea edhe pse barazuan në fund pranuan edhe tre gola dhe humbën me rezultat të thellë.
Fillimisht ishin mysafirët e Chelseat, të cilët arritën të kthehen në lojë duke barazuar 1-1 me anë të një supergoli të shënuar nga Eden Hazard (82').
Hazard barazoi me anë të një supergoli nga distanca (Getty Images)
Por, festa e skuadrës së Contes zgjati vetëm dy minuta pasi ishte Daryl Janmaat (84'), i cili shënoi për 2-1 dhe në minutën e 88-të ishte Gerard Deulofeu për 3-1.
Festa e Janmaat pas golit të shënuar (Getty Images)
Në minutat shtesë vendasit arritën të shënojnë edhe një herë me anë të Roberto Pereyras, i cili vulosi fitoren dhe rezultatin përfundimtar të ndeshjes 4-1.
Një penallti e nxjerr, një gol i shënuar për Delofeun (Getty Images)
Pas kësaj humbje, Chelsea mbetet në pozitën e katërt me 50 pikë të mbledhura, ndërsa Watfordi renditet në vendin e 11-të me 30 pikë.
Në ndeshjen e radhës, Blutë e presin në shtëpi West Bromin, teksa Watfordi udhëton te West Hami. /Telegrafi/
https://www.dailymotion.com/video/x6eapi8
https://twitter.com/LeCoqueliin/status/960630925309640706
https://www.dailymotion.com/video/x6eapro
https://www.dailymotion.com/video/x6eapwa
