Chelsea do të vazhdojë me blerje rekord – kësaj radhe i duhen 170 milionë euro për ta afruar sulmuesin që nuk ka luajtur tetë muaj

Chelsea shpenzoi më shumë se një miliard euro për të afruar lojtarë të rinj para dhe gjatë këtij sezoni.  Klubi nga Stamford Bridge bleu 27 lojtarë në tre afatet e kaluara dhe disa të tjerë erdhën falas.

Por as këto nuk e ndihmuan klub, pasi Chelsea nuk luan në Ligën e Kampionëve këtë sezon dhe siç janë gjërat, ata nuk do të jenë as në të radhës.

Skuadra e Mauricio Pochettino është në vendin e 10-të, me 12 pikë prapa vendeve që çojnë në Ligën e Kampionëve.

Chelsea po ka mungesë të sulmuesve edhe pse Pochettino e bleu Nicolas Jackson nga Villarreali për 37 milionë euro këtë verë, por ai ka shënuar vetëm tetë gola në 23 ndeshje.

Kjo ka bërë që Chelsea të jetë sërish në kërkim të një sulmuesi të ri dhe sipas Daily Mail, Pochettino është shumë i interesuar për Ivan Toneyn e Brentford.

Lexo po ashtu Skuadrat me më shumë humbje në vitin 2023 - Chelsea është e vetmja top skuadër në listë

Toney shkëlqeu sezonin e kaluar me 21 gola në 35 ndeshje, por pastaj ai mori një pezullim prej tetë muajsh në mes të majit për bast në ndeshjet e Ligën Premier.

Pezullimi i Toney skadon më 17 janar dhe ai do të jetë në gjendje të jetë në skuadrën e Brentford për ndeshjen me Nottingham Forest, por deri atëherë ai mund të ndryshojë klubin.

Sipas Daily Mail, Chelsea do të bëjë gjithçka për të sjellë Toney në janar, por shifrat që përmenden janë astronomike.

Lexo po ashtu Chelsea identifikon alternativën e Osimhen dhe Toney, ka shënuar 15 gola në 18 ndeshje

Pretendohet se çmimi do të arrijë deri në 170 milionë euro me bonuse.

Toney erdhi në Brentford në shtator 2020 nga Peterborough për 5.6 milionë euro. Ai ishte golashënuesi më i mirë i Championship në sezonin 2020/2021 me 33 gola.

Lexo po ashtu Nga fondi arab te Newcastle deri te Kroenke i Arsenalit - kush janë pronarët më të pasur në Ligën Premier?

Ai me Brentfordin shënoi gjithsej 68 gola dhe dhuroi 21 asistime në 124 paraqitje. /Telegrafi/