Chelsea i është kthyer fitoreve në Ligën Premier, duke fituar kështu ndaj Watfordit me rezultat 1-2.
Ishte një lojë e balancuar, por në fund fituan Blutë që u treguan më konkret.
Rastin e parë për gol e kishte Williani në minutën e 10, ndërsa dy golat e parë erdhën në minutat shtesë.
(Foto: Warren Little/Getty Images/Guliver)
Së pari shënoi Eden Hazard pas asistimit nga Mateo Kovacic, ndërsa Robero Pereyra barazoi rezultatin 1-1.
Hazard i dha fitoren Bluve me një gol nga pika e bardhë në minutën e 58-të. Në vazhdim Willian kishte tjetër rast, por gjuajti jashtë.
(Foto: Warren Little/Getty Images/Guliver)
Pas kësaj fitore Chelsea renditet në vendin e katër me 40 pikë, kurse Watfordi në pozitën e nëntë me 27 pikë.
Skuadra e Maurizio Sarrit në xhiron tjetër do të luajë kundër Crystal Palaces, ndërsa Watfordi ndaj Newcastles. /Telegrafi/
