Chelsea ka bërë një rikthim fantastik përballë Southamptonit duke u kthyer nga disavantazhi prej dy golash, për ta fituar me rezultat 3-2 ndeshjen e zhvilluar në St Mary's Stadium.
Nikoqirët krijuan epërsi të parët me golin e Dusan Tadic (21') dhe me epërsi minimale shkuan në pushim.
(Foto: Getty Images)
Pas një ore lojë, ata e dyfishuan avantazhin falë një goli nga Jan Bednarek (60'), i cili u asistua nga James Ward-Prowse.
Blutë nuk u dorëzuan dhe e ngushtuan rezultatin përmes Olivier Giroud (70'), i cili shënoi me kokë pas harkimit nga Marcos Alonso.
(Foto: Getty Images)
Nga një aksion i Willian, Eden Hazard e nguliti topin në rrjetë duke e barazuar rezultatin (75').
Dhe gjithçka u përmbys nga Giroud (79'), i cili shënoi golin e epërsisë dhe ky rezultoi të ishte goli i fitores për skuadrën e Antonio Contes.
(Foto: Getty Images)
Pas kësaj fitoreje, Chelsea mbetet në vend të pestë, por e ngushton në shtatë diferencën e pikëve me Tottenham Hotspurt (që ka një ndeshje më pak të zhvilluar) dhe Liverpoolin.
Southamptoni mbetet në zonën e rrezikut (i 18-ti në tabelë), me tri pikë prapa vendit të 17-të që e mban Crystal Palace.
Në xhiron e ardhshme, Chelsea luan në shtëpi kundër Huddersfield Town, ndërsa Southamptoni udhëton te Leicester City. /Telegrafi/
https://www.dailymotion.com/video/x6hsv9a
https://www.dailymotion.com/video/x6hsvyz
https://www.dailymotion.com/video/x6hswdy
https://www.dailymotion.com/video/x6hswm1
https://www.dailymotion.com/video/x6hswrh
