Chelsea i është bashkuar garës për mesfushorin e rebeluar të Paris Saint-Germain, Adrien Rabiot.
Mesfushori francez ka kontratë me PSG-në deri në verën e vitit 2019.
Megjithatë, edhe përkundër shumë bisedimeve të mbajtura, palët nuk kanë arritur të gjejnë marrëveshje për rinovimin e kontratës.
Situata e tij te PSG ka bërë që shumë skuadra të mëdha evropiane të vihen pas shërbimeve të francezit.
Barcelona, Juventusi dhe Tottenhami u raportua më parë se e duan Rabiotin në janar për një çmim të ulët ose falas në verë.
Por, sipas mediumit Teleefoot, tani në garë ka hyrë edhe skuadra angleze, Chelsea, e cila ka bërë kontaktet e para me kampion e francezit.
Trajneri i Chelsea, Maurizio Sarri është i etur të shtojë cilësinë në skuadër dhe ka etiketuar Rabiotin dhe yllin e Lyonit, Nabil Fekir, si objektivat e radhës.
Për momentin, Barcelona thuhet të jetë favorite për transferimin e Rabiotit. /Telegrafi/
