ChatGPT po vjen me një veçori që do të jetë shumë e dobishme për përdoruesit

OpenAI ka bërë të ditur se tani ChatGPT do të gjurmojë për ju në internet për informacionet aktuale që ju do t’i kërkoni duke ofruar përgjigje të marra direkte nga burime “aktuale dhe autoritare”, të cilat do t’i citojë në përgjigjet që do t’ua japë juve.

Funksioni, i quajtur “Browese with Bing” është i hapur vetëm për ata me abonime Plus dhe Enterprise për momentin, por kompania thotë se do ta lansojë atë “për të gjithë përdoruesit së shpejti”, transmeton Telegrafi.

Nëpërmjet një postimi në rrjetin social X (ish-Twitter) OpenAI demonstroi përmes një GIF-i se si do të funksionojë kjo veçori.

ChatGPT can now browse the internet to provide you with current and authoritative information, complete with direct links to sources. It is no longer limited to data before September 2021. pic.twitter.com/pyj8a9HWkB

— OpenAI (@OpenAI) September 27, 2023

Përshembull, përdoruesi i bën një pyetje chatbotit dhe më pas ChatGPT fillon të kërkojë në internet për informacion të mundshëm dhe disa prej informacione i ndan gjatë bisedës me atë përdorues. Gjithashtu, chatboti bashkëngjit edhe linkun në rast se përdoruesi dëshiron të lexojë më shumë në artikullin origjinal.

“ChatGPT tani mund të shfletojë internetin për t’ju ofruar informacion aktual dhe të besueshëm, të plotësuar me linqe direkte me burimet. Nuk kufizohet më në të dhëna përpara shtatorit 2021”. /Telegrafi/