Çfarë do të ndodhë më pas për Iranin pas rënies së Asadit në Siri?

Deputetët islamikë të linjës së ashpër që mbushin parlamentin iranian, janë të zemëruar me shpejtësinë me të cilën investimi më i madh i Republikës Islamike në rajon ka dështuar.

Irani mbështeti regjimin e Asadit gjatë gjithë luftës civile në Siri, me armë, trupa, naftë dhe para.

Mijëra ushtarë të dërguar nga Irani në Siri u vranë në beteja.

Siria siguroi një korridor tokësor për të furnizuar Hezbollahun në Liban me armë, transmeton Telegrafi.

Por për momentin zyrtarët iranianë po heshtin. Dhe komandantët më të lartë të Gardës Revolucionare nuk duken askund.

Udhëheqësi suprem i Iranit, thuhet se po planifikon të flasë mbi këtë temë të mërkurën.

Vetëm ministri i Jashtëm, Abbas Araghchi, ka folur publikisht.

Ai thotë se Irani ishte i shqetësuar nga sa pak rezistencë bëri ushtria siriane, dhe sa shpejt rebelët përparuan në Damask.

“Ne kurrë nuk kishim për qëllim të zëvendësonim ushtrinë siriane”, tha ai.

Por ai po shfaq një fytyrë të guximshme – duke thënë se i ashtuquajturi bosht i rezistencës – koalicioni i mëparshëm i Iranit, Sirisë dhe milicive të armatosura në rajon – do të vazhdojë të luftojë Izraelin – tani pa Sirinë.

Siria ishte shtylla qendrore e çuarjes së luftës në kufijtë e Izraelit.

Tani kjo politikë është në rrënim. Iranit do t’i duhet të marrë veten dhe të mendojë përsëri.