Çfarë nënkuptojnë buzët e plasaritura?

Buzët mund të tregojnë shumë për shëndetin tuaj.

Ndryshimi i ngjyrës mund të tregoj ekzemë, alergji, anemi dhe shumë probleme tjera.

Është e domosdoshme që çdo femër të ketë buzë të bukura, të shëndetshme dhe të mirëmbajtura. Megjithatë, ndryshimet si herpesi, fisura apo plasaritja nuk janë vetëm problem estetik i padëshiruar, por lidhen edhe me gjendjen shëndetësore të të gjithë organizmit.

Buzë të zbehta

Mund të jetë shenjë e kapilareve të ngushta dhe sinjalizon mungesën e hemoglobinës në gjak që është anemia, mund të tregojë probleme kronike të mushkërive apo zemrës.

Buzë të kuqe të ndritshme

Nga ana tjetër, nëze buzët janë me ngjyrë të kuqe të ndritshme, kjo tregon kapilaret e zgjeruara. Këto ndryshime mund të jenë shenjë e gjëndrrës tiroide të tepruar, rritja e ritmit të zemrës dhe presioni i lartë i gjakut.

Buzë të errëta

Nëse buzët ju theksohen shumë në ngjyrë, ose të kuqe të errët apo ngjyrë kafe, atëherë trupi dërgon sinjale se keni probleme me sistemin e tretjes, apo jeni jotolerant ndaj disa ushqimeve të caktuara, të tilla si gluteni.

Buzë me ngjyrë vjollcë

Kjo ngjyrë e buzëve është më shqetësuese për shkak se ajo vjen si rezultat i çrregullimeve të koagullimit dhe dëmtimit të organeve. Para vdekjes zakonisht buzët marrin këtë lloj ngjyre.

Buzë me vijë të theksuar me ngjyrë

Nëse lëkura rreth buzëve është e kufizuar me ngjyrë të kuqe, ky është shpesh rezultat i konsumit të tepërt të pijeve me gaz. Përveç kësaj, mund të paraqiten edhe për shkak të alergjisë nga pasta e dhëmbëve, kozmetikës etj.

Buzët e plasaritura

Lëkura e tillë mund të jetë shenjë e diabetit dhe kjo gjendje quhet si ekzemë e buzëve. Lëkura në buzë përmban pak gjëndrra, andaj edhe janë më shumë të prirura për çarje dhe plasaritje në krahasim me pjesët tjera të trupit. Kjo dukuri paraqitet për shkak të erërave dhe ajrit të thatë.

Buzë të ënjtura

Kjo mund të jetë simptomë e problemeve të tretjes apo alergji nga ndonjë lloj i caktuar i ushqimit, probleme me traktin e tretjes.

Njolla të kuqe në buzë

Rrathë apo qarqe të kuqe që shfaqen në skajet e buzëve mund të jenë simptomë e mungesës së vitaminës B në trup, por mund të ndodhë edhe si rezultat i “infektimit” për shkak të pirjes nga gota e të tjerëve. Gjtihashtu mund të jetë shenjë edhe për anemi.

Njolla të bardha në buzë

Këto ndryshime vijnë si rezultat i infeksioneve fungale, të cilat zakonisht shumohen në trup si pasojë e trajtimit të gjatë me antibiotikë.