“Çfarë është kjo miku im” – Bëhet viral reagimi i Dakut pas hedhjes së shortit

Shqipëria mësoi rivalët që do të ketë përballë në Euro 2024, duke u pozicionuar në Grupin B me Spanjën, Kroacinë dhe Italinë.

Për këtë short ka reaguar dhe sulmuesi i kombëtares kuqezi, Mirlind Daku, të cilit nuk i besohet grupi në të cilin Shqipëria do të bëjë pjesë dhe se gjithashtu thotë se skuadra është gati për këto përballje, pasi beson në aftësitë e shokëve të skuadrës.

“Çfarë është kjo miku im?! (Qesh). Ky është një nga grupet më të forta”.

“Besoj te kombëtarja ime, sepse ne treguam në kualifikuese se jemi ekip i fortë. Ne duhet ta shijojmë, ne duhet të luftojmë si gjithmonë dhe shpresoj unë si një lojtar i Rubinit të luaj atje. Faleminderit për mbështetjen e madhe që ju më keni dhënë mua, sepse pa ju nuk do të isha pjesë e këtij suksesi që patëm”.

View this post on Instagram

A post shared by Рубин Казань ♦️ Rubin Kazan (@fcrk)

“Spanjë, Kroaci, Itali bëhuni gati. Shihemi së shpejtë”, ka thënë Daku në video-mesazhin e publikuar nga klubi i tij, Rubin Kazan.

Lexo po ashtu Etrit Berisha bën shaka me shortin e Shqipërisë, shton edhe Brazilin në grup

Daku ishte njëri nga lojtarët më të rëndësishëm për Shqipërinë në ciklin kualifikues, teksa kontriboi me një gol dhe një asistim./Telegrafi/