Celine Dion i befasoi fansat me këpucë të pazakonta që i ngjajnë pulave

Celine Dion, këngëtarja e famshme 56-vjeçare, ka tërhequr vëmendje me një postim në Instagram ku shfaqet me këpucë të pazakonta me taka të larta, të zbukuruara me detaje të verdha dhe të kuqe, që shumë ndjekës i krahasuan me këmbët e një pule.

E veshur me një fustan të kuq me shkëlqim, këngëtarja impresionoi edhe një herë me stilin e saj të veçantë. Postimi i saj ka grumbulluar mbi 240 mijë pëlqime, ndërsa komentet ishin të shumta. Disa ndjekës shkruanin: “Këto këpucë janë të çuditshme, por i shkojnë veshjes së saj,” dhe “Këpucët më të mira, si gjithmonë.”

Celine Dion është e njohur për dashurinë e saj për këpucët dhe më parë ka zbuluar se zotëron më shumë se 10,000 palë. Në dokumentarin e saj të ri në Prime Video, ajo ka pranuar obsesionin e saj për këpucët, duke treguar se shpesh i përshtat këmbët e saj për të veshur këpucët që dëshiron, pavarësisht madhësisë së tyre.

View this post on Instagram

A post shared by Céline Dion (@celinedion)

“Sa herë që hyja në një dyqan dhe dashurohesha me një palë këpucë, më pyesnin: ‘Cilin numër mbani, zonjë?’ Dhe unë u përgjigjesha: ‘Nuk po më kuptoni. Çfarë numrash keni? Unë do t’i përshtas.’ Unë i vesh këpucët, jo këpucët mua”, ka treguar ajo.

Përveç stilit të saj unik, Celine Dion po përballet me sfida shëndetësore. Në dhjetor të vitit 2022, ajo zbuloi se është diagnostikuar me sindromin e personit të ngurtë, një sëmundje e rrallë autoimune që shkakton spazma muskulore dhe ngrirje të gjymtyrëve.

View this post on Instagram

A post shared by Vogue Arabia (@voguearabia)

Ajo ka pasur vështirësi në ecje dhe këndim, gjë që e ka detyruar të bëjë një pauzë të gjatë nga muzika. Megjithatë, Dion planifikon të rikthehet në skenë për Lojërat Olimpike të Parisit, duke shpresuar të performojë pas shumë vitesh.

Celine Dion, e njohur për hitin e saj legjendar “My Heart Will Go On,” mbetet një ikonë e muzikës dhe modës, ndërsa frymëzon miliona fansa në mbarë botën me stilin e saj të guximshëm dhe vendosmërinë për të përballuar sfidat. /Telegrafi/