Capello: Ancelotti është njeriu i duhur për Italinë

Fabio Capello beson se Carlo Ancelotti është njeriu i duhur për ta marrë timonin e përfaqësueses së Italisë.

Giampiero Ventura është në rrezik që të shkarkohet nga posti i trajnerit edhe nëse Azzurrët kualifikohen për në Kampionatin Botëror, ‘Rusia 2018’.

Italia nuk është në një situatë të mirë, pasi pësoi me rezultat 1-0 nga Suedia në ndeshjen e parë të ‘play-offit’ dhe do ta ketë të vështirë që të sigurojë pjesëmarrjen në Rusi.

Lexo po ashtu Ventura mund të shkarkohet edhe nëse Italia kualifikohet, tre emra të mëdhenj lidhen me vendin e tij

Ish-trajneri i Bayern Munchut është njëri nga kandidatët që mund ta marrë drejtimin e kombëtares në rast të shkarkimit trajnerit aktual.

Vet Capello e ka tërhequr emrin e tij nga mundësia për t’u bërë trajner i Italisë, ndërsa e ka favorizuar Ancelottin për këtë post.

“Unë i kam kryer obligimet e mia me ekipet kombëtare. Ancelotti është në moshën e duhur, ka përvojë të madhe dhe i mungon vetëm një punë si kjo për t’u kompletuar”, ka thënë Capello për Quotidiano Sportivo.

Prej shkarkimit nga bavarezët, Ancelotti është pa punë, ndërsa është lidhur edhe me postin e trajnerit të Milanit.

Gjatë bisedës së tij, Capello e ka kritikuar skuadrën e Italisë për ndeshjen që e bëri në humbjen kundër Suedisë në ndeshjen e parë të barazhit. /Telegrafi/