Uebsajti i njohur buzzfeed.com, ka publikuar një shkrim kushtuar Shqipërisë, me titull “Disa vende të Bukura dhe të pabesueshme që duhen Vizituar në Shqipëri”.
Në kolazhin prej 33 fotosh shfaqen perlat e rralla, që nga Kanionet e Osumit, e deri te Lugina e Valbonës, duke kaluar nga plazhet e virgjëra të Lukovës, qytetet historike të Gjirokastrës e Beratit, Liqeni Artificial i Tiranës, Apollonia, e kështu me radhë.
Shqipëria në Gadishullin e Ballkanit në Evropën Jug-Lindore, është një vend i vogël me brigje në detin Adriatik dhe Jon, si dhe në brendësi i përshkuar nga Alpet Shqiptare. Përgjatë bregut të saj jugor, Riviera shqiptare njihet për fshatrat e saj tradicionale mesdhetare, resortet turistike dhe jetën e natës vibruese.
Me historinë e saj që prej lashtësisë, Shqipëria është gjithashtu e pasur me kështjella dhe sajte arkeologjike, shkruan ndër të tjera buzzfeed.
