Burri që jetoi si skllav për 40 vjet, më në fund është i lirë në Angli

Një burrë pa emër, i cili jetonte në Angli si skllav, më në fund është i lirë pas 40 vjetësh.

Bëhet fjalë për një burrë rreth të gjashtëdhjetave, i cili u traumatizua pasi kaloi pjesën më të madhe të jetës si skllav duke jetuar në një vilë të rrënuar pa ngrohje.

Kishte vetëm një jorgan të ndyrë për t’u mbuluar dhe ngushëllohej duke parë televizor. Ai përdori lavamanin e kuzhinës të vendosur pranë kasolles për të ruajtur higjienën dhe vetë kasolle ishte në gjendje më të keqe se tjetra në të cilën flinte qeni.

Ky rast u regjistrua në veri të Carlisle në Cumbria, Angli, raporton theindependent.

Për punë fizike, burri merrte 10 funte në ditë dhe punonte në fermë, duke bërë lyerje, shtronte pllaka dhe asfalt. I pandehuri Peter Swailes Jr. (56) pranoi në gjykatë se ka shfrytëzuar një burrë. Padia pasoi një hetim trevjeçar.

Një burrë i paidentifikuar, i cili ka qenë fjalë për fjalë skllav për 40 vjet, më në fund është i lirë dhe ka ndihmën e specialistëve dhe i është gjetur akomodimi adekuat. /Telegrafi/