Bubevski: Sot presim kallëzimin e parë penal, ata përballen me të paktën 10 vjet burgim

Prokurori Gavril Bubevski në programin e mëngjesit të “TV Nova” sërbe tha se të dyshuarit për vrasjen e adoleshentes Vanja dhe parukierit Pançe Zhezhovski kërcënohen me dhjetë vjet burgim, si dhe me burgim të përjetshëm. Sipas tij, sot priten kallëzimet e para penale kundër të dyshuarve.

“Të dhënat e fundit janë se të arrestuarit janë ndaluar për 48 orë, mes tyre edhe babai i Vanjës. Tre prej tyre e pranuan fajin dhe i katërti, për të cilin kemi prova se ishte i përfshirë, nuk pranoi asgjë. Urdhri ndërkombëtar për vrasësin është aktiv dhe presim të realizohet. Detajet e rolit të babait janë ende të njëjta. Ai ka dhënë të gjitha të dhënat për lëvizjet e vajzës, se kur do të jetë vetëm e kështu me radhë. Rrëmbimi i vajzës ka të bëjë me interes personal, të dyshuarit kanë thënë të njëjtën gjë, e kanë rrëmbyer fëmijën për t’i marrë para nënës. Pas kësaj ndodhi një vrasje, e cila tronditi mbarë popullin”, thotë prokurori Bubevski në “TV Nova”, përcjell Telegrafi.

Lexo po ashtu Gjykata Penale: Për Ljupço Palevskin 30 ditë paraburgim, nga dita kur do të arrestohet

Sipas tij, rrëmbyesit kishin frikë se policia do ta zbulonte planin e tyre, ndaj e vranë vajzën para se nëna e saj të informohej për shpërblimin.

“Sot presim kallëzimin e parë penal, pres të shohim se çfarë do të mblidhet që të kemi gjithë historinë”. “Mendoj se raporti do të përkojë vetëm me historinë e të dyshuarve”, thotë prokurori.

Autopsia e Pançe Zhezovskit ka përfunduar dje, ndërsa sot priten informata, tha prokurori. Këto dy raste lidhin vetëm automjetin e veleshanit me të cilin u rrëmbye Vanja dhe autorët e vrasjeve, shtoi ai.

Lexo po ashtu Gjithçka që dihet deri tani për vrasjen e dyfishtë në Maqedoni

Bubevski thekson se të dyshuarit përballen me dënim me burg prej së paku 10 vjet deri në burgim të përjetshëm.

“Deri më tani nuk është vërejtur një rast i tillë, por kjo i jep peshë”, ka përfunduar Bubevski për “TV Nova”. /Telegrafi/