Brenda pishinës më të madhe në botë: Kushtoi dy miliardë dollarë, është i madh sa 12 fusha futbolli dhe i thellë 30 metra (Foto/Video)

Qindra kilometra larg qytetit kryesor të Kilit, më saktë në San Alfonso de Mare pranë brigjeve të Oqeanit Paqësor, gjendet pishina më e shtrenjtë në botë ndërtimi i të cilës ka kushtuar plot dy miliardë dollarë.

Kjo pishinë shtrihet në një hapësirë prej 80 mijë metra katrorë, që i bie të jetë i madh sa afro 12 fusha të futbollit, kurse është ndërtuar për shkak të problemeve unike me të cilat përballet Kili, transmeton Telegrafi.

Edhe pse Kili gjendet përgjatë bregdetit të Oqeanit Paqësor, ky vend ka relativisht pak hapësira të përshtatshme për plazhe për shkak të rrymave që sjellin ujin e ftohtë nga Antarktida, dhe që gjatë pjesës më të madhe të vitit uji është shumë i ftohtë për not.

Fernando Fishman dhe kompania e tij Crystal Lagoons kanë kryer punimet e pishinës në vitin 2006, ndërsa sipas vlerësimeve të ekspertëve ndërtimi i tij ka kushtuar hiq më pak se dy miliardë dollarë.

Por duke marrë parasysh faktin se pishina është ndërtuar në resorin luksoz, shumica e kilianëve nuk mund të përballojnë shpenzimet që të kalojnë disa ditë në këtë pishinë.

Çdo vit shpenzohen rreth katër milionë dollarë për mirëmbajtjen e kësaj pishine, e cila në disa pjesë është e thellë deri në 30 metra. /Telegrafi/