Brenda pak sekondave kinezja shtypet dy herë nga veturat, dhjetëra kalimtarë të rastit as që marrin guximin për ta ndihmuar (Video, +18)

Një video që është duke qarkulluar në internet ka shokuar botën, për faktin se në të shfaqet një grua të cilën brenda pak sekondave e godasin dy veturat, kurse shoferët largohen nga vendi i ngjarjes sikur të mos kishte ndodhur asgjë e keqe.

Por, ajo çfarë ka zemëruar më së shumti ata që e kanë parë videon që është filmuar në qytetin kinez Zhumadjan, janë reagimet e qytetarëve të shumtë që ishin dëshmitar të shtypjes me veturë, dhe që nuk reagonin fare për ta ndihmuar këtë grua të gjorë, transmeton Telegrafi.

Lidhur me incidentin janë arrestuar shoferët e veturave, kurse në video shihet viktima e identifikuar si Ma që qëndron për disa sekonda në tokë pas shtypjes së parë, derisa kalimtarët e rastit as që e merrnin mundin për ta ndihmuar dhe thjesht kalonin para saj sikur të mos kishte ekzistuar.

Sikur kjo të mos mjaftonte, ajo disa sekonda më vonë shtypet nga një veturë tjetër që kalon sipër saj sikur të ishte “asfalt”, dhe pa pikë mëshire shoferi vazhdon rrugën pa parë se çfarë kishte bërë.

Por, shtypja e dytë ishte fatale për gruan të cilën pasi e dërguan në spital, u konstatua se ajo kishte vdekur. /Telegrafi/