Bonucci: Dominuan ndeshjen nga fillimi deri në fund – e dinim forcën e Milanit

Mbrojtësi i Juventusit, Leonardo Bonucci, ka thënë se skuadra e tij e dominoi ndeshjen ndaj Milanit nga fillimi deri në fund. 

Bianconerët i dhanë fund një serie të pamposhtur në Serie A të Milanit, që kishte nisur nga muaji mars 2020.

Federico Chiesa shënoi dy herë, ndërsa Weston McKennie një herë për fitoren 3-1. Davide Calabria kishte barazuar rezultatin në fundin e pjesës së parë.

“Ne erdhëm këtu të vetëdijshëm se ishte një ndeshje shumë, shumë e rëndësishme, veçanërisht pas rezultateve të kësaj pasdite (e mërkurë)”.

“Ne bëmë mirë për të kontrolluar ndeshjen nga fillimi në fund. Ne e dinim që Milani mund të na bëjë dëm me kundërsulmet e tyre, por ne ishim solid dhe punuam si ekip. Kjo është fryma për të cilën kemi nevojë të shkojmë përpara”, ,” ka thënë kapiteni i Juventusit për Sky Sport Italia.

Alex Sandro dhe Juan Cuadrado u diagnostikuan me COVID-19 gjatë 48 orëve të fundit, kështu që skuadra e Juventusit nuk udhëtoi në Milano deri këtë mëngjesin e së mërkurën, kur dolën rezultatet.

“Ne e dinim që do të luanim, kështu që ishim të përqendruar në objektiv. Ne do të shkojmë ndeshjen pas ndeshje, duke shënuar fitore pas fitoreje. Kjo dëshmon se ekipi është ende i uritur”.

Vincere oggi era d’obbligo e l’abbiamo fatto. Vincere fa crescere la nostra autostima.
Adesso testa al Sassuolo.#FinoAllaFineForzaJuventus pic.twitter.com/xRKmMXB6w8

— Leonardo Bonucci (@bonucci_leo19) January 6, 2021

“Objektivi ynë tani është të mposhtim Sassuolo, kjo është e gjitha. Ne duhet të marrim një fitore për të kthyer edhe më shumë besueshmërinë dhe madje më shumë një ekip”, ka thënë Bonucci. /Telegrafi/