“Biznesi Im” – platforma që ndihmon në krijimin dhe zhvillimin e bizneseve përmes shërbimeve digjitale

Përmes mundësive që i ofron në informata dhe shërbime relevante për zhvillim të biznesit, platforma “Biznesi Im” synon të iniciojë ndryshime në sistemin e tregut dhe të kontribuojë në rritjen e shkallës së mbijetesës të ndërmarrjeve start-up, rritjen e performancës dhe konkurrueshmërinë.

“Biznesi Im” ofron një sërë shërbimesh digjitale, të cilat fillojnë prej idesë së biznesit, planifikimet përkatëse, e deri në sigurimin e fondeve për ta themeluar e zhvilluar biznesin.

Më saktësisht, mjetet digjitale që ofrohen në këtë platformë janë:

– Doracakët
– Planet për menaxhimin e kompanisë
– Formularët për vetëvlerësim
– Modelet e përshtatshme që përdoren çdo ditë nga kompanitë

Kjo platformë është e ngjashme me modelin e suksesshëm austriak “Grunderservice”, i cili është themeluar nga Oda Ekonomike e Austrisë.

Vlen të ceket se iniciativa për “Biznesi Im” mbështetet nga projekti ACCESS dhe do të rrisë portofolin e shërbimeve mbështetëse online të ofruara nga Agjencia për Investime dhe Përkrahjen e Ndërmarrjeve në Kosovë (KIESA) për NMVM-të.