Presidenti amerikan Joe Biden shpalli sot gjendjen e fatkeqësisë natyrore në Havai, ku të paktën 36 persona humbën jetën nga zjarret e fuqishme dhe shkatërruan një qytet në ishullin Maui.
Kjo shpallje liron ndihmë të konsiderueshme federale për Havain, i cili është një nga shtetet e Shteteve të Bashkuara, transmeton Telegrafi.
"Veprimi i presidentit vë në dispozicion fondet federale për njerëzit e prekur në qarkun Maui", u tha nga Shtëpia e Bardhë.
Ndihma do të lejojë financimin për ndihmën emergjente dhe rindërtimin e ishullit ku qyteti turistik i Lahaina, ish-kryeqyteti i Mbretërisë së Havait, praktikisht u rrafshua me tokë.
Në anën tjetër, pamjet e filmuara nga ajri me helikopterë dhe dronë, shfaqin pamjet apokaliptike si pasojë e këtij zjarri që “rrafshoi” gjithçka. /Telegrafi/
https://twitter.com/BotNews18/status/1689690654555652096?ref_src=twsrc%5Etfw%7Ctwcamp%5Etweetembed%7Ctwterm%5E1689690654555652096%7Ctwgr%5Eb1d21e7510bdde42e9a553c3388747014dfa9de1%7Ctwcon%5Es1_&ref_url=https%3A%2F%2Ftelegrafi.com%2Fskena-te-tmerrshme-te-krijuara-nga-zjarri-ne-havai-trupat-e-pajete-jane-ende-duke-notuar-ne-uje%2F
