Beyonce paraqet karakterin e ri të saj muzikor, rriten spekulimet për projekte të reja muzikore

Pas paraqitjes së saj befasuese në projektin “Top Off” të DJ Khaled, Beyonce duket se po bëhet gati që të vazhdojë nga ka betur në vitin 2016 me “Lemonade”.

Në fakt, është paraqitja e saj befasuese në “Top Off” ajo që ka bërë spekulimet të jenë më të pranishme se kurrë, me fansat që në mënyrë krejt të natyrshme besojnë se ajo ka hedhur aludimin për projektin e radhës.

Kjo këngë duket se ka prezantuar edhe alter egon (karakterin) e ri të Beyonces.

E quajtur dikur Sasha Fierce, yonce, Mrs. Carter, duket se 36 vjeçarja kësaj radhe është shfaqur minimaliste, duke ju referuar vetes thjesht si “B”.

Në listimin e këngës “Top Off” në Tidal, përkrah artistëve Beyonce shfaqet vetëm si B, përkrah Khaled, Future dhe Jay Z.

Top off is not on Beyoncé's "appears on" tab on Tidal anymore. The song is on the page of the artist "B" –"B" doesn't have a picture yet & the only song "B" has is Top Off. pic.twitter.com/p13xnLu1UC

— act ii: 🤠 (@bjday4) March 4, 2018

Një lëvizje kjo që natyrisht se i ka bërë adhuruesit që të flasin, me spekulimet për albumin e ri të Beyonces që janë më të gjalla se kurrë, sidomos pasi këngëtarja shfaqet duke bërë rep, gjë që e bën për mrekulli në “Top Off”.

A mund të publikohen projektet muajin e ardhshëm? Po, sepse Beyonce pritet që të paraqitet në mënyrë spektakolare në festivalin Coachella, aty ku ajo është protagoniste.

Festivali në Kaliforni që mbahet në dy fundjava gjatë prillit, do të shohë “B” në krye të programit me The Weeknd dhe Eminemin.

Dhe, nuk duhet të harrohet fakti se është çështje ditësh komunikimi i plotë zyrtar i turneut të saj të përbashkët me Jay Z, pasi informacionet për një gjë të tillë rodhën në rrjetet sociale.

Sigurisht, adhuruesit e Beyonce kanë arsye të entuziazmohen dhe të gëzohen. /Telegrafi/