Besiktas dhe Galatasaray në luftë për të siguruar shërbimet e Valmir Veliut

Dy gjigantët turk, Besiktas dhe Galatasaray, janë vënë pas talentit të Llapit, Valmir Veliut.

Trajneri i Besiktas, Sergen Yalçın dhe ai i Galatasaray, Fatih Terim, kanë shpreshur gadishmërin që ta afrojnë lojtarin e Kosovës U21, në skuadrat e tyre, pasi shihet si alternativë e mirë për Kerem Akturkoğlu (Galatasaray) dhe Cyle Larin (Besiktas).

Të dy klubet tashmë janë në luftë për t’i siguruar shërbimet e talentit tonë që në janar.

Në pamundësi për të nënshkruar një kontratë të re me Cyle Larin dhe duke pritur që futbollisti kanadez të shkojë në Ligën Premier, Beshiktaş vazhdon kërkimin për një sulmues të mirë krahu, ndërsa trajneri i kampionëve Sergen Yalçın i dha dritën e gjelbër klubit për Valmir Veliun, shkruan CCN Turk.

Në anën tjetër Fatih Terim, i cili donte të merrte Arda Turanin, si alternativë e ka Veliun.

Mësohet se Galatasaray, po përgatitet të shesë Kerem Akturkoglun, i cili pëlqehet nga disa klube franceze.

Veliu ka luajtur 7 ndeshje me ekipin U21 të Kosovës, ndërsa këtë kampionat ai ka gjetur rrjetën 5 herë dhe ka dhënë 3 asistimet me klubin e tij Llapin.

Sipas CNN Turk Valmir Veliu ka qenë në prova te G.Fürth, Schalke dhe Freiburg, me menaxherin e tij Rahman Kıçe.

Veliu njihet për shpeshtësinë e tij të arritur në një ndeshje me 34.1 km/h dhe kjo statistikë i ka mjaftuar që të jetë në mesin e 10 futbollistëve më të shpejtë.

Ai ka mposhtur Ronaldon (33.6) dhe Messin (32.5) për shpejtësi dhe ka gjasa që në janar të shkojë në Superligën e Turqisë, pasi menaxheri Rahman Kıçe ka vlerësuar ofertat./Telegrafi/