Bëhen kalkulimet e para se sa mund të fitojnë Joshua dhe Takam pas meçit

Ngjarja e ditës në botën e boksit është meçi mes Anthony Joshuas dhe Carlos Takam në Cardiff.

Britaniku do të mbrojë titujt IBF dhe WBA në pesha të rënda dhe normalisht që është favorit absolut në këtë përballje.

Lexo po ashtu Kush është Carlos Takam? Gjithçka që duhet të dini për kundërshtarin e Joshuas (Foto/Video)

Pasi ai është njeriu i natës dhe fitimet më të mëdha do t’i takojnë atij pavarësisht se a është fitues apo jo.

Sipas Telegrafit britanik, fitimet e këtij takimi do të ndahen 90 me 10 për Joshuan. Ku ai pritet të fitojë 10 milionë funte (11.31 milionë euro), ndërsa Takam 750 mijë funte (848.140 euro).

Ndërsa Mirror tregohet pak më dorë shlirë, sipas tyre Joshua në këtë takim do të marrë 15 milionë funte (16.96 milionë euro), aq sa në takimin ndaj Wladimir Klitschkos.

Vlen të theksohet se Joshuas fillimisht i ishte caktuar si kundërshtar Kubran Pulev, i cili më pas është tërhequr për shkak të lëndimit. Ukrainasi pritej të fitonte nga ky takim katër milionë funte (4.5 milionë euro), më shumë se kishte bërë ndonjë herë në një natë, transmeton Telegrafi.

Lexo po ashtu Shkenca pas grushtit të boksierit të kategorisë së rëndë: Të grushtohesh nga Joshua, është më keq sa që mendoni (Video)

Por, kjo shumë nuk pritet t’i jepet Takam, kjo pasi profili i tij është më i ultë se Pulev.

Vlen të theksohet se përfitimet financiare nuk ndalen me kaq për fituesin. Kjo pasi pas meçit atij gjithmonë i afrohen kompani të mëdha për reklama dhe marrëveshje të ndryshme.

Lexo po ashtu Joshua – Takam, mësojeni se kur fillon meçi me kohën tonë lokale

Pas triumfit me Klitschkon besohet se ai ka kapur një total fitimesh në përgjithësi prej 22 milionë dollarëve, duke u bërë kështu i pesti sportist britanik që fiton më së shumti. Para tij rrenditen vetëm Lewis Hamilton (180 milionë dollarë), Wayne Rooney (141 milionë dollarë), Sir Andy Murrayt (100 milionë dollarë) dhe Rory McIlroy (96 milionë dollarë).

Më e bukura është se Joshua është sportisti i pestë me më shumë fitime në Britani, ai ka një vilë në vlerë gjysmë milioni euro, por preferon të jetojë në një banesë me nënën e tij. /Telegrafi/

Njihuni edhe një herë me aftësitë e dy boksierëve:

https://www.youtube.com/watch?v=uDzL5VPNvtU