Skuadra italiane Inter është eliminuar nga Liga e Evropës pas humbjes në udhëtim tek Hapoel Beer Sheva.
Inter kishte epërsinë prej dy golave në pjesën e parë por në fund humbën 3-2 për tu eliminuar nga Liga e Evropës.
Mysafirët e nisën më mirë ndeshjen dhe që nga minuta e parë e saj tentuan golin e epërsisë.
Nuk kaluan më shumë se 13 minuta kur Inter shënoi golin e epërsisë, falë një kombinimi të bukur mes Eder dhe Icardi ku ky i fundit shënoi për 0-1.
Edhe pas golit të epërsisë, Inter vazhdonte të sulmonte vendasit.
Në minutën e 25-të një aksion i ndërtuar mirë nga mysafirët solli edhe golin e dytë në këtë sfidë.
Eder ishte përsëri ai që asistoi, ndërsa kroati Marcelo Brozovic shënoi një gol të bukur për 0-2.
Pjesa e parë përfundoi me epërsi të dy golave për ‘Nerazzurrët’.
Por në pjesën e dytë vendasit e Hapoel Beer Sheva treguan një fytyrë krejtësisht tjetër.
Ishte minuta e 58-të kur sulmuesi Lucio Maranhao ngushtoi epërsinë në 1-2.
Por në minutën e 69-të, portieri Samir Handanovic shkaktoi penallti dhe u përjashtua nga ndeshja.
Për ta barazuar rezultatin në 2-2 nga pika e bardhë u përkujdes nigeriani Anthony Nwakaeme.
Pas kësaj humbje Inter mbetet në pozitën e fundit në Grupin K me tri pikë dhe eliminohet në mënyrë të turpshme nga Liga e Evropës.
Ndërkohë Beer Sheva shpreson në një rezultat pozitiv në udhëtim tek Southampton për të kaluar tutje. /Telegrafi/
https://www.dailymotion.com/video/x53dkbt_mauro-icardi-goal-hd-hapoel-beer-sheva-0-1-inter-milan-24-11-2016-hd_sport
https://www.dailymotion.com/video/x53dlsn_marcelo-brozovic-goal-hd-hapoel-beer-sheva-0-2-inter-24-11-2016-hd_sport
https://www.dailymotion.com/video/x53dr34_lucio-maranhao-goal-vs-inter-milan-1-2_sport
https://www.dailymotion.com/video/x53dry5_anthony-nwakaeme-goal-hd-h-beer-sheva-2-2-inter-24-11-2016_sport
https://www.dailymotion.com/video/x53dtvr_ben-sahar-goal-hd-h-beer-sheva-3-2-inter-24-11-2016_sport
