Këngëtarja Beatrix Ramosaj është shumë e ndjekur në rrjetet sociale dhe postimet e saj zgjojnë interes të madh tek publiku.
Në mesin e shumë gjërave që publikon, ajo shpesh i dedikon fjalë e mesazhe dashurie babait të saj, i cili është ndarë nga jeta para shumë viteve.
Një të tillë e ka bërë edhe gjatë ditës së sotme, duke e kujtuar të atin përmes disa postimeve në rrjetin social, Instagram.
Beatrix Ramosaj (Foto: Instagram)
Ajo ka shpërndarë disa video të vjetra, ku babai i saj i ndjerë dhe familjarët shfaqen duke festuar, teksa shkruan se ashtu si sot, disa ditë janë më të vështira se të tjerat për t’u përballur me mungesën e tij.
“Disa ditë janë më të vështira se të tjerat. Më mungon babai im që është në parajsë sot. Gëzuar ditëlindjen në parajsë babai im i çmuar.
Dashuria jote do jetojë në zemrat tona përgjithmonë. Të dua dhe na mungon ëngjëll”, ka shkruar mes tjerash Ramosaj.
Beatrix Ramosaj (Foto: Instagram)
Beatrix përndryshe ka kohë që nuk ka lansuar ndonjë projekt të ri muzikor, e ai i fundit mbetet "Pa ndjenjë".
Këngëtarja pritet që së shpejti të bëjë rikthimin në skenë pas një mungese të gjatë me prurje të reja. /Telegrafi/
