Bayern Munich të shtunën ka festuar edhe zyrtarisht titullin për këtë edicion në Bundesliga.
Por pas përfundimit të Bundesligas, kampioni gjerman ka filluar të mendojë për përforcimet e mundshme dhe largimet nga skuadra.
Sipas asaj që ka raportuar ‘Bild Sport’, Bayern ka nxjerrë në shitje dy yje.
Fjala është për anësorin brazilian Douglas Costa i cili nuk ka pranuar rinovimin e kontratës.
Costa gjithashtu nuk ka qenë i preferuar nga trajneri italian Carlo Ancelotti dhe ka kërkuar largimin.
Për ta lënë të lirë Costan, Bayern kërkon së paku 35 milionë euro, ndërsa skuadrat e interesuara për të janë Liverpool dhe Juventus.
Ndërkohë emri tjetër që do të largohet nga ‘Rekordmenët’ është mesfushori portugez Renato Sanches.
Sanches u transferua në ‘Allianz Arena’ nga Benfica me shumë bujë por ai ka dështuar të tregojë aftësitë e tij.
Skuadra më e interesuar për shërbimet e portugezit është gjiganti francez Olympique Marseille.
Edhe nga shitja e mesfushorit të talentuar Bayerni synon të fitoj së paku 30 milionë euro. /Telegrafi/
