Bayerni i ofron pagë të ‘çmendur’ Sanchezit

Bayern Munich dëshiron ta transferoj me çdo kusht sulmuesin e Arsenalit, Alexis Sanchez.

Gjigantët bavarezë janë duke u eliminuar që katër vite radhazi në Ligën e Kampionëve, tre herë në gjysmëfinale dhe një herë në çerekfinale dhe kjo i ka bërë që mendojnë për transferime me shifra të mëdha.

Lexo po ashtu Arsenali e ka refuzuar PSG-në për Sanchezin

Klubi gjerman është rritur shumë gjatë sezoneve të fundit, falë investimeve në sektorin e të rinjve, por ka ardhur momentin për të hedhur një tjetër hap të rëndësishëm për të fituar edhe në Evropë në nivel klubesh.

Kështu, sipas Kicker, Bayerni ka vendosur t’i ofrojnë 25 milionë euro në sezon yllit kilian që të ushtrojë presion për t’u larguar nga Topçinjtë dhe të fitoj garën për shërbimet e tij.

Lexo po ashtu “Sanchez është ai që i nevojitet Unitedit”

Kjo pagë do ta bënte ndoshta më ta paguarin në botë, ndërsa në Gjermani padyshim se do ishte më e larta, pasi për momentin më i paguari është Robert Lewandowski me 15 milionë euro në sezon.

Paratë nuk do të jetë problem për Bayernin, pasi arkëton plot 600 milionë euro fitime në vit, por problemi mund të jetë te Wenger, i cili është shprehur se nuk ka ndërmend ta shesë Sanchezin, edhe nëse do ta humbiste me parametër zero në verën e vitit të ardhshëm. /Telegrafi/