Bayern Munichu i pamëshirshëm, shënon shtatë gola në fitoren ndaj Bochumit

Bayern Munichu ka triumfuar me rezultat të thellë 7-0 ndaj Bochumit në ndeshjen e vlefshme për javën e pestë në Bundesliga.

Bavarezët kanë marrë edhe fitoren e katërt radhazi në kampionat pasi barazimit në javën e parë ndaj Borussia Monchengladbach.

Pjesa e parë e ndeshjes ndaj Bochumit u karakterizua me dominim të Bayernit, i cili përveç rasteve të shumta shënoi edhe katër gola.

Serinë e golave për Bayernin e hapi Leroy Sane (17’) me një supergol nga goditja e lirë për 1-0, ndërsa Joshua Kimmich (27’) shënoi për 2-0.

Bayerni shpejt gjeti edhe golin e tretë me Serge Gnabry (32’) për 3-0, ndërsa Vassilios Lampropoulos shënoi autogol për 4-0.

⏸️ in der Allianz Arena – WAS FÜR EINE HÄLFTE! 🤯

Eure Meinungen! 👇

🥨 #FCBBOC | 4-0 | 45' 🔴⚪ pic.twitter.com/Pt9oXKtHGl

— FC Bayern München (@FCBayern) September 18, 2021

Në pjesën e dytë, Bayerni vazhdoi me lojë më të mirë dhe shënoi edhe tri gola tjera për ta marrë një fitore të madhe.

Robert Lewandowski (61’) shënoi për 5-0, Kimmich (65’) u përkujdes për 6-0, ndërsa Eric Choupo-Moting (79’) shënoi për rezultatin përfundimtar 7-0.

Ganz, ganz starke Leistung heute, Jungs! 👏👏👏#FCBBOC #MiaSanMia pic.twitter.com/U8wrBA3XSk

— FC Bayern München (@FCBayern) September 18, 2021

Pas kësaj fitore, Bayerni e sheh veten në pozitën e parë me 13 pikë, ndërsa Bochumi zë vendin e 17-të me tri pikë.

Në ndeshjen e radhës, Bavarezët udhëtojnë te Gurther Furth, teksa Bochumi e pret Stuttgartin. /Telegrafi/

https://www.youtube.com/watch?v=Oxriu-0hA3A&ab_channel=UEFAChampionsNews%E2%9A%BD

https://www.youtube.com/watch?v=nsPnL9r3EvQ&ab_channel=Footballmh0

https://www.youtube.com/watch?v=qANiBgVNwjE&ab_channel=Footballmh0