Michael Schumacher mbetet temë e mediave sportive edhe pse më nuk është aktiv.
Piloti i skuderisë së Ferrarit, Schumi kishte pësuar një aksident gjatë skijimit në vitin 2013, i cili i ka dëmtuar trurin.
Shëndeti tij dhe gjendja aktuale është mbajtur sekret deri më tani, edhe pse ka pasur informacione jo të konfirmuara.
Së fundi, bashkëshortja e sportistit, Corinna thuhet t'i ketë dërguar një mesazh falënderues një miku të tyre duke treguar se 49-vjeçari nuk po dorëzohet.
“Do doja të të falënderoj sinqerisht për mesazhin dhe dhuratën e këndshme që do na ndihmojë ta kalojmë këtë kohë të vështirë".
"Ndihem mirë kur marr kaq shumë urime dhe fjalë të mira që mbështesin familjen tonë. Ne të gjithë e dimë që Michael është një luftëtar dhe nuk do të dorëzohet”, ka shkruar 49-vjeçarja.
Ndryshe, gjatë këtyre viteve, Schumi është kuruar në rezidencën Gland në Zvicër.
Gjatë karrierës së tij, legjenda e Formula 1 ka fituar shtatë tituj të kampionit të botës dhe numrin më të madh të garave, 91, të fituara ndonjëherë nga një shofer. /Telegrafi/
