Barcelona merr hua prej 1.5 miliard euro për rindërtimin e ‘Camp Nou’, stadiumit do t’i ndryshohet emrin

Klubi spanjoll i futbollit Barcelona ka njoftuar sot se ka nisur zyrtarisht rikonstruksionin e stadiumit Camp Nou, i cili do të jetë fillimi i një faze të re në historinë e këtij klubi.

Menaxheri i përgjithshëm katalanas Ferran Reverter ka thënë se klubi do të marrë një hua prej një miliardë e gjysmë euro dhe planifikon të shpenzojë të gjithë shumën për rindërtimin e “Camp Nou”, pra ndërtimin e një kompleksi pranë stadiumit që do të përfshijë një palestër të re dhe me ambiente përcjellëse.

Mediat spanjolle shkruajnë se Barcelona do ta marr huanë për 35 vjet dhe me një interes të favorshëm. Klubi për shkak të të ardhurave më të larta do të shesë edhe emrin e stadiumit “Camp Nou” dhe emrin e sallës së re.

🔵🔴 BARÇA REFERENDUM#SiTotsVotemGuanyarem – December 19

Member info must be verified and/or updated
👉 https://t.co/4GQSrGlr6F pic.twitter.com/dYi9oJY2Qw

— FC Barcelona (@FCBarcelona) December 1, 2021

Thuhet se klubi është duke negociuar gjerësisht me disa sponsorë të interesuar.

Më tej zbulohet se kjo lëvizje mund t’i sjellë Barcelonës 50 milionë të ardhura më shumë në vit dhe se puna në stadium duhet të fillojë sezonin e ardhshëm.

Stadiumi i ri Camp Nou duhet të hapet në vitin 2025 dhe do të ketë një “unazë” të re, të tretë që do të zgjerojë kapacitetin e stadiumit në 105,000 vende.

Për të gjitha projektet dhe investimet, Barcelona duhet të marrë miratimin e anëtarëve dhe 100 mijë prej tyre do të votojnë në referendumin e 19 dhjetorit.

Stadiumi “Camp Nou” u ndërtua në vitin 1957 dhe u rinovua në 1995, 2008 dhe 2018. /Telegrafi/