Barcelona fiton në frymën e fundit, Araujo ‘heroi’ i blaugranasve

Barcelona ka fituar me rezultat minimal 1-0 ndaj Real Sociedadit në udhëitm në kuadër të javës së 12-të në La Liga.

Pjesa e parë i takoi plotësisht vendasve të cilët patën një mori rastesh për gol, por që Marc Andre Ter Stegen nuk lejoi që të mposhtej.

Fillimisht Sociedadi rrezikoi me Barrenetxean por goditja e tij u ndal me shumë mund nga portiere gjerman.

Menjëherë pas këtij rasti pasuan aksionet e radhës me në qendër të vëmendjes Aihen Munoz dhe Takefusa Kubo por që Ter Stegen vazhdoi të dëshmonte se është nata e tij.

Teksa po shkonim drejt fundit të pjesës së parë, mysafirët kërkuan penallti pas një ndërhyrje në zonë në Joao Felix por gjyqtari heshti dhe loja vazhdoi.

Penallti kërkuan edhe vendasit në minutën e 66-të pas një ndërhyrjë në Mikel Oyarzabal por VAR-i tha se gjithçka ishte e pastër.

Gavi pati një mundësi të artë në minutën e 90-të për të kaluar në avantazh Barcelonën, por që goditja e tij u prit nga Alex Remiro.

Teksa dukej që ndeshja po përfundonte me barazim, në skenë doli Ronald Araujo i cili shënoi për 1-0 në ‘frymën’ e fundit për t’i dhënë blaugranasve tri pikë me rëndësi jetike për vazhdimësinë e kampionatit.

AFTER VAR REVIEW, ARAUJO'S GOAL STANDS AND HE WINS IT FOR BARCELONA 🙌 pic.twitter.com/V0aaguvH9T

— ESPN FC (@ESPNFC) November 4, 2023

Me këtë fitore Barcelona gjen veten në pozitën e tretë në tabelë me 27 pikë të grumbulluara, tri më pak se lideri Girona që ka 31 sosh dhe një më pak se Real Madridi që nesër luan ndeshjen e tyre ndaj Rayo Vallecanos./Telegrafi/