Barcelona ka dal me një ofertë të re në drejtim të Leeds United për sulmuesin brazilian Raphinha.
Anësori këmbëshpejtë është objektivi kryesor i Barcelonës për repartin ofensivë dhe katalunasit kanë mundur konkurrencën e Arsenalit dhe Chelseat për të.
Fabrizio Romano ka raportuar se gjiganti katalunas ka bërë ofertën finale në drejtim të Leeds për transferimin e Raphinhas, madje edhe vet sulmuesi po i bën presion klubit që ta pranojë atë.
Barça ka bërë një ofertë finale prej 72 milionë eurove duke përfshirë të gjitha bonuset.
"Raphinha mendon se kalimi i tij te Barcelona është i 'afërt'. Propozimi përfundimtar verbal është 72 milionë euro të garantuara, me të gjitha detajet të përfshira".
"Leeds pritet ta pranojë pasi të jetë oferta zyrtare. Raphinha në anën tjetër i ka bërë presion Leedsit në 48 orët e fundit pasi ai dëshiron vetëm Barelonën që ka qenë ëndrra e tij e madhe", shkruan Romano.
Vet futbollisti dhe agjenti i tij Deco tanimë kanë një marrëveshje me Barcelonën dhe zyrtarizimi i tij pritet të ndodhë këtë javë. /Telegrafi/
