Barcelona zbulon stemën e re me kuptim të veçantë

Barcelona ka prezantuar një stemë të re që do të përdoret për të përkujtuar 125-vjetorin e klubit.

Stema e re vjen në të njëjtën formë si ajo aktuale, por përmban një sfond blu dhe skaje të arta. Stema gjithashtu thekson numrat 1, 2 dhe 5 në respekt të përvjetorit historik të Barcës.

Duke folur gjatë ceremonisë së zbulimit, presidenti i Barcës, Joan Laporta, deklaroi :”Barcelona po përjeton momente të ringjalljes. Projekti më i rëndësishëm institucional i klubit”.

Lexo po ashtu Zbulohet se sa ka fituar deri më tani Barcelona nga Liga e Kampionëve

“Është një kohë e sfidave të mëdha, të ndryshimeve të rëndësishme tipike për erën e re të klubit që do të na çojë në një fazë të re të sfidave emocionuese si 125-vjetori”.

“Do t’i kërkoja tifozëve të Barcelonës të jetojnë këtë moment me angazhimin maksimal dhe intensitetin maksimal. Ne jemi dëshmitarë të këtyre ngjarjeve”.

Lexo po ashtu 'Çmenduria' e Bayern Munichut për Araujon - ka filluar bisedimet me Barcelonën

“Sepse do të jenë ngjarje që do të mbahen mend për dekada. Barça është familja më e mirë sportive në botë dhe çfarë duhet të bëjmë është të jemi bashkë”.

“Në momentet e dyshimeve më të mëdha le të mendojmë për përpjekjet titaneske të gjeneratave të tjera që arritën që Barça të jetë sot si klub aq i dashur në Katalonjë dhe në mbarë botën”, përfundoi ai. /Telegrafi/